Don’t cry for me Argentina！阿根廷要識美斯同馬勒當拿之外，一定要識埋呢個「阿根廷之母」貝隆夫人。廿年前，麥當娜拍過電影《貝隆夫人》仲拎埋金球獎影后（音樂及喜劇類）。時至今日，《貝隆夫人》舞台劇第一次駕臨香港，仲係由美國百老匯神級幕後班底創作同執導，睇完肯定覺得自己有文化咗！
《貝隆夫人》故事發生喺1934年至1952年嘅阿根廷首都布宜諾斯艾利斯，講述前阿根廷獨裁者貝隆個老婆，即係貝隆夫人啦，點樣由出身寒微，慢慢變為無論財富、權力抑或地位都層層遞升（十足十真實阿根廷版《溏心風暴》呀），最終成為深受阿根廷國民愛戴嘅「國家精神領袖」。
至於《貝隆夫人》舞台劇就一樣咁勁，40年前喺倫敦首映，得獎無數之餘，仲上埋美國百老匯嘅舞台，演出咗超過一千五百場，勇奪七項東尼獎。
嚟緊《貝隆夫人》國際巡迴演出，5月首次來港登陸演藝學院，由橫掃超過20個重要獎項、震憾倫敦城西和美國百老匯嘅Tim Rice同Andrew Lloyd Webber攜手創作、百老匯傳奇名導Hal Prince執導，肯定會牽起撲飛熱。美國運通卡會員專享優惠，Centurion同白金卡會員即日起至2018年1月9日優先購票仲有九折優惠，其他美國運通卡會員就由12月28日開始優先購票同享有九折優惠。
《貝隆夫人》（Evita）
日期：2018年5月11日(星期五)至6月3日(星期日)
地點：香港演藝學院歌劇院
電話：31-288-288
